نغمات ندا ....: nadia

‏إظهار الرسائل ذات التسميات nadia. إظهار كافة الرسائل

الخميس، 15 أكتوبر 2015

الاثنين، 20 يوليو 2015

جراح

جرح جديد ، ضمادات ومشرط ،،،،

تلك هى الحكاية .

،، نادية ،،

الفوضى

أيتها الفوضى بداخلى !

حان وقت الرحيل .

،، نادية ،،

الثلاثاء، 19 مايو 2015

الأربعاء، 11 مارس 2015

يا قلبي اللي ساكن فى ساحة كفوفك

وراسم طريقه محبّة لحروفك

بحبك وحبي يكسّر فى خوفك

ولو تندهيني

بروحي تلاقيني

يا ساكنة فى عيني

بقلبي بشوفك

يا قلبي اللي ساكن فى ساحة كفوفك

يا جرحى اللي نازف وزود جراحك

ومن غيرى ممكن يطلق سراحك

بزحلك فى ليلك وشادد صباحك

يا كل الأماني

يا عايشة عشاني

ولو برضه تاني

أغير ظروفك

يا قلبي اللي ساكن فى ساحة كفوفك

أنا وأنتِ دايما هنضرب بقوة

على اللي يعادينا ونرميه فى هوة

ويشهد عليا اللي برة وجوة ..

راح أرفع شعارك

واطفِّ فى نارك

واحلّى فى مرارك

ولو كان فى جوفك

يا قلبي اللي ساكن فى ساحة كفوفك

الخميس، 1 يناير 2015

قلب السما

مرسوم فى قلب السما خط الحياة مكتوب

عليه رحلة حياتنا والقسمة والمكتوب

رب العباد قسّمه ما بين طاعات وذنوب

مكتوب وفيها الغنى مرتاح وبماله شاريها

وكمان تلاقى الفقير شقيان وزاهد فيها

وأخرتها نلقى القلوب اللى تفوز بيها

مليها إيمان وإن مالت تستغفر ربها وتّوب

الأربعاء، 5 نوفمبر 2014

دمـع انتظـارى

دمـعُ انتظـارى

قالوا انتظرْ ؟؟!

أيا قمرى ...

أريت يوما انتظارٌ كانتظارى ؟

فأجاب كلا

كلا وربُ السماوات العُلى

ورب الصحارى

لقد جاء يوماً

لى نجمُ الليالى معاتباً كُفا

فقد جفت بى المُقل

دون اختيارى

طال السهادُ

والليالِ معاندة

والأتى كلا

لم يبالِ بسُهدنا ولن يبالى

أبداً مللت الإنتظار وحيدةً

أملاً بقلبٍ

منه الفؤاد يرجو وصالى

والروح تهفو لنظرةٍ من عين برقا

فى الليالى الكاحلاتى

نوراً وسارى

والأيدى إن جاء اللقاءُ معانقاً

هذا الذى حَلُمت به أمد الليالى

فيا من طلبت

الإنتظارمن سوايا لم يزل

سفح السماء معانقاً

دمعَ انتظارى

الأربعاء، 20 أغسطس 2014

حكايات ،،

وذات مســاء ،،،

وذات مســاءات كثيرة ،،

أنتظرت النـجم ليـحكى حكايات جميلة ،،

فـما أدركت النجم ،،

ولا الصـبح عاد بالنسامات العليلة ،،

أيـكون النجم ولّى ،،،؟

أم هـى الأيام ذات الليالى الكحيلة ،،، ؟

الأحد، 9 يونيو 2013

أسرى الهوى ..

أسرى الهوى وما لسبى الهوى بديل ،،

لا حد له ولا للعدول عنه سبيل ،،

يميل خطب الجوى بقلوب العاشقين ،،

كوريقات زهرٍ من النسيم العليل تميل ،،

لما تحب ...

لما تحب بتلقى الكون حواليك

أنغام

أحلام وردية تجيبلك فرحة وتوديك

أحلام

لطريق مفروش بزهور تتغير فيه

أيام

يتبدل فيه الحزن بفرح ويبقى خلاص

أوهام

لما تحب بصدق تغيّر كل قلوب

الناس

حتى القلب الحجر المطفى تلقاه يصبح

ماس

واليأس يزول ونخلي الأمل الجاى فى بكرة

أساس

لحياتنا علشان يجدد شوقنا ويزيد الإحساس

فبلاش تتعود على أحلامك لا عودهاعليك

هتلاقى الدنيا براح قدامك ملك أيديك

وتلاقى البسمة بتسكن قلبك ظاهرة عليك

ومهما تكون فى الكون مع نفسك

تلقى قلوب حواليك

ده لما ....

تحب هتلقى الكون حواليك أنغام

الخميس، 23 مايو 2013

أشكو منك إليك ..............

أملى حبيبى أن أرى عينيك ..

لأشكو منك إليك ..

وروحى تهيم حولك ..

وقلبى يصبو إليك ..

فأنا زهرة بين يديك ..

وأنت ضوء القمر عندى

فكيف لى الوصول إليك ..

لكى تعلم حبيبى بحالى ..

وكم هى صعبة بدونك الليالى ..

حنين وشوق وقلبك لا يبالى ..

وحشة سهاد فى بعدك يكون حالى ..

فهل لى أن أراك ولو حتى بخيالى ..؟

كى اشكو منك اليك ..!

( رسالة بقلمى إلى من أحببت )

الأحد، 19 مايو 2013

صباح بلون الحيرة ..

‫أرسلت لك قلبى مع نجم المساء ...

علّه يذكرك بموعد بيننا للقاء ...

عاد لى فى الصباح عليل ....

والنجم صامت .. بلا تفسير ..

ومازال الصمت قائما .. والقلب هائما ..

والنجم حائرا فى السماء ...

فقد عزّ بيننا اللقاء ..

... صباح بلون الحيرة .. والنسمات العليلة ...

.. وموج البحر ... وعطر الزهر ...

،،، نادية ،،،‬

الثلاثاء، 14 مايو 2013

يا عازفً لحنى بين السطور ...

تعلّم ،،، الحـــــــــب ..

وأتقن معى الجـــنــون ..،،

فأنا أنثى :

أحــب بلا حــدود ،،

فلا تـدركـنـى القـيـود ..،

،،، نادية ،،،

السبت، 4 مايو 2013

وحشانى ....

وحشتك ؟

زى انتى كمان ما وحشتينى

ضمينى .. دفينى كتير .. خبينى فى حضنك

أروينى من نبع حنان الكون جواكِ

بهواكِ

وعارف أن هوايا بيسكن قلبك

وبيجرى فى دمك

جوة الشريان الواصل بينى وبينك

وبينى وبينك ....

مش ممكن هنساكِ

رغم المسافات اللى ما بينا

والبُعد اللى أكيد هيطوّل

مش ممكن يتحوّل قلبى ويمحى غرامك

ده انتِ النبض اللى بيحيينى

ومخلينى أعيش من بعدك ...!

الحب اللى زرعتيه جوايا

من يومها بيكبر ويزيد

وإن جربت أوزّع طرحه

هيكفى كل الكون ويفيض

عارف أنى فى يوم هرجعلك

نتقابل من تانى

وأحسّ بفرحة عينك وخدانى

مش بس فى أحلامى هشوفك

واللهفة اللى فى قلبك

والحنّية الممدودة ويّا كفوفك

هتكسّر بنيان الخوف من بكرة .

وعلى فكرة ،

عمر ما كان بينى وبينك أى بعاد

ولا فيه مسافات .

الجمعة، 19 أبريل 2013

يلا نحب بلدنا كتير

يلا هنبنى وفيها نعمر

نحصد خير من طرحها الاخضر

نزرع فيها شجرة جميلة

على اغصانها بيوت عصافير

يلا نحب بلادنا كتير

دى قلوبنا هتبات فرحانة

لما تكون بالخير مليانة

ونحقق احلامها فى بكرة

ونزوق شوارعها بخير

يلا نحب بلادنا كتير

يلا نعلّى ايد مع ايد

نرسم بكرة بشكل جديد

ونلبسها توب الفرحة

ونزوقها ليوم العيد

يلا نحب بلادنا كتير

مش راح نقبل غيرها بديل

يلا نغير ونغيرها

ونرجعها هبة النيل

يلا نحب بلادنا كتير

لما تحب ..

لما تحب بتلقى الكون حواليك
أنغام
أحلام وردية تجيبلك فرحة وتوديك
أحلام
لطريق مفروش بزهور تتغير فيه
أيام
يتبدل فيه الحزن بفرح ويبقى خلاص
أوهام
لما تحب بصدق تغيّر كل قلوب
الناس
حتى القلب الحجر المطفى تلقاه يصبح
ماس
واليأس يزول ونخلي الأمل الجاى فى بكرة
أساس
لحياتنا علشان يجدد شوقنا ويزيد الإحساس
فبلاش تتعود على أحلامك لا عودهاعليك
هتلاقى الدنيا براح قدامك ملك أيديك
وتلاقى البسمة بتسكن قلبك ظاهرة عليك
ومهما تكون فى الكون مع نفسك
تلقى قلوب حواليك
.... ده لما
تحب هتلقى الكون حواليك أنغام

"" نادية ""