صباح بلون الحيرة

،،، نادية ،،،‬

يا قلبي اللي ساكن فى ساحة كفوفك

يا قلبي اللي ساكن فى ساحة كفوفك

وراسم طريقه محبّة لحروفك

بحبك وحبي يكسّر فى خوفك

ولو  تندهيني

                بروحي تلاقيني

يا ساكنة فى عيني 

               بقلبي بشوفك

يا قلبي اللي ساكن فى ساحة كفوفك

يا جرحى اللي نازف وزود جراحك

ومن غيرى ممكن يطلق سراحك

بزحلك فى ليلك وشادد صباحك

يا كل الأماني

               يا عايشة عشاني

ولو برضه تاني 

               أغير ظروفك

يا قلبي اللي ساكن فى ساحة كفوفك

أنا وأنتِ دايما هنضرب بقوة

على اللي يعادينا ونرميه فى هوة

ويشهد عليا اللي برة وجوة ..

راح أرفع شعارك

                     واطفِّ فى نارك

واحلّى فى مرارك 

                    ولو كان فى جوفك

يا قلبي اللي ساكن فى ساحة كفوفك